Was mich es bitzli stört, isch, dass vill weg so Sache langsam seelisch "abgstumpft" werdet, beziehigswiis, dass d'Gsellschaft verroht. Uf de einte Siite gits die Rechte, wo, wie ihr richtig seget, sofort alles instrumentalisiert, und uf de andere Siite gits ebe au die Linke, wo sich alles schön redet, und kei Verantwortig übernehmet für all die "Usnähm". Gits zum Biispiel viellicht es systemischs Problem bi de Integration? Sind d'laissez-faire System vo de 90er/00er villicht eifach nüm usriichend, inere Gsellschaft, wo zuenehmend dur s'Internet global vernetzt isch? Gits vlt es Problem bi de Kommunikation zwüschet Behörde? Jede "Einzelfall" betrifft ebe mehreri menschlichi Schicksäl, und da isch so vill Passivität ebe eifach nöt ahbracht, und so schenkt mer eifach a de SVP Wähler, wo sie schusch nöt wähle würet, wil vill denn eifach hessig sind
